Գինեսի ռեկորդների գիրքը ստեղծվել է 1955 թվականին, որպեսզի ի ցույց դնի մարդկանց հնարամիտ արարքները, հրապարակի մարդու երևակայության, շնորքի արդյունքները:

Ամենաարագաշարժ թռչնի մասին վեճից հետո, որին մասնակցում էին մի որսորդ և Գինեսի գործադիր տնօրեն Հյու Բիվերը. որոշեցին, որ փաբերում իրականացնեն մրցույթներ՝ բացահայտելու ամենաարագաշարժին, ամենամեծին, ամենափոքրին, ամենալավին, ամենահնարամիտին. այս ամենը խաղերի ձևով: Սկսեցին հարցումներ անել, թե ո՞ր կենդանին է ամենաերկարակյացը, ո՞րը՝ ամենաուժեղը, ո՞վ ավելի արագ կվազի, ո՞վ կուտի այս մեծ տորթը ավելի կարճ ժամանակում և այլն:

Գիրքն իր անունը՝ «Գինես», ստացել է ի պատվի 1759թ.-ից Դուբլինում գործող Գինես գարեջրատան։ Գինեսի ռեկորդների գիրքը լույս է տեսնում յուրաքանչյուր տարի՝ իր էջերում ներառելով նորանոր տարատեսակ ռեկորդներ։

Գինեսի ռեկորդների գիրքը ամենափայլուն քայլերից է, նույնիսկ այսօր՝ համացանցի օրոք, գիրքը մնում է հանրագիտարանների բեսթսելլերներից մեկը։ Այսօր գրքում կա 47000 գրառում։ Այստեղ ալկոհոլի հետ կապված, գրեթե ամեն ինչ արգելվում է, բայց գարեջրի մասին գրառումներ շատ կան, ահա դրանցից մի քանիսը.

• Գարեջրի շշերի ամենամեծ հավաքածուն պատկանում է Ռոն Վերներին (ԱՄՆ) և բաղկացած է 25866 կտորից։
• Գարեջրի ամենամեծ համտեսը բաղկացած էր 1236 մասնակցից։
• Գարեջրի պիտակների ամենամեծ հավաքածուն պատկանում է Հենդրիկ Թոմանին (Գերմանիա) և բաղկացած է 548 567 կտորից։
• Գարեջրի ամենամեծ գավաթն ունի 5,87 մ բարձրություն և 2,03 մ տրամագիծ:

Գինեսի ռեկորդների գրքի մասին կարելի է շատ խոսել:

Գինեսի ռեկորդների գրքի էջերում ձեր տեղը զբաղեցնելն ամենևին էլ հեշտ գործ չէ։ Դա անելու համար պետք է ունենալ ակնառու ունակություններ կամ անել ինչ-որ արտասովոր բան՝ ցանկացած ոլորտում:

Այսօր ուզում ենք պատմել ճանապարհորդների զարմանալի ձեռքբերումների մասին, որոնց շնորհիվ նրանք կարողացան հայտնվել թանկարժեք գրքի էջերում։

Ճանապարհորդություն աշխարհով մեկ առանց ինքնաթիռի:
Բրիտանացի Գրեհեմ Հյուզը պատմության մեջ առաջին մարդն է, ով այցելել է աշխարհի բոլոր երկրներ՝ առանց ինքնաթիռ նստելու։ National Geographic Channel-ի 33-ամյա հաղորդավարը ճանապարհին անցկացրել է ավելի քան 1400 օր: Եվ այս ամբողջ ընթացքում Հյուզը շարժվում էր միայն գնացքներով, ավտոբուսներով կամ նավերով։ Մի քանի անգամ նրան նույնիսկ ոստիկանություն են բերման ենթարկել՝ շփոթելով օտարերկրյա լրտեսի հետ։

Ամենաարագ օդապարիկով շուրջերկրյա թռիչքը:
Օդապարիկով ճանապարհորդելը շատ ռոմանտիկ գաղափար է թվում, բայց իրականում դա ծանր աշխատանք է և իսկական էքստրիմ։ Ռուս ճանապարհորդ Ֆեդոր Կոնյուխովին հաջողվել է միայն օդապարիկով պտտվել երկրի շուրջը ընդամենը 11 օր 6 ժամում։ Այս ամբողջ ընթացքում տղամարդը քնել է միայն ֆիթս-ստարտերում, իսկ օդապարիկի «զամբյուղում» ջերմաստիճանը զրոյից չի բարձրացել։

Ամենաարագ հեծանիվորդն ամբողջ աշխարհում:
Եվս մեկ անհավանական ռեկորդ սահմանեց 45-ամյա նորզելանդացի Էնդրյու Նիկոլսոնը։ Ընդամենը 123 օրվա ընթացքում տղամարդն իր հեծանիվով անցել է 29000 կմ տարածություն։ Նիկոլսոնը ճանապարհորդել է 23 տարբեր երկրներով, նա ստիպված է եղել օրական 240 կմ հաղթահարել։

Վազք ամբողջ աշխարհով մեկ:
Երկրագունդը «ոտքով» շրջելու գաղափարը լրիվ խելագարություն է թվում, այնպես չէ՞: Այնուամենայնիվ, կար մի մարդ, ում հաջողվեց կյանքի կոչել այս անհավանական գաղափարը: Ռոբերտ Գարսայդնը ավարտեց առաջին վազքը ամբողջ աշխարհում 5 տարի 8 ամսում: Նա իր վազքը սկսել է 1997 թվականին Հնդկաստանից՝ Նյու Դելիից և ավարտել 2003 թվականի հունիսին՝ նույն տեղում: Ի դեպ, ճանապարհորդությունն օգնեց Ռոբերտին ձեռք բերել ոչ միայն համբավ, այլեւ անձնական երջանկություն։ Ճանապարհին տղամարդը հանդիպել է իր ապագա կնոջը։

Անվասայլակով ամենաերկար ճանապարհորդությունը:
Ոգեշնչող Գինեսի ռեկորդը պատկանում է ճանապարհորդ Չան-Հյուն Չունին։ Տղամարդը տառապում է ուղեղային կաթվածով, և նրա մարմինը պարանոցից ներքև ամբողջովին անշարժ է: Չան-Հյուն Չունգը շարժվում է հաշմանդամի սայլակով, որը նա կառավարում է իր բերանով: Նման «տրանսպորտով» տղամարդուն հաջողվել է անհավատալի ճանապարհորդություն կատարել. նա այցելել է Եվրոպայի և Մերձավոր Արևելքի 35 երկիր՝ ընդհանուր առմամբ անցնելով 28000 կմ։ Չան-Հյուն Չունգը ցանկանում էր ապացուցել, որ ամեն ինչ հնարավոր է, եթե ցանկանաս: Կարծես նրան հաջողվեց։

Ամենաերիտասարդ ու ամենատարեց շրջագայողները:
Ճամփորդության և արկածների հանդեպ փափագը տարիք չի ճանաչում: Դրա ապացույցներից մեկն էլ 106-ամյա Սաբուրո Շոչիի ճամփորդությունը, ով ընդգրկվել է Գինեսի ռեկորդների գրքում՝ որպես աշխարհը շրջած ամենատարեց ճանապարհորդը։ Դե, այս ցուցակում ամենաերիտասարդը 14-ամյա հոլանդուհի Լաուրա Դեկերն էր: Աղջիկը ծնվել է ճանապարհորդների ընտանիքում և փոքր տարիքից նավարկել է զբոսանավով։ 14 տարեկանում Լաուրան որոշեց իրականացնել իր երազանքը։ Մեկ տարի շարունակ աղջիկը կարողացել է միայնակ շրջել աշխարհը սեփական զբոսանավով։

Ամենաերկար ճանապարհորդությունը ձեռքերի վրա:
Զվարճալի, բայց տպավորիչ ռեկորդ է սահմանվել 1900 թվականին Ավստրիայի բնակիչ Յոհան Գուրլինգերի կողմից։ 55 օրում ճանապարհորդը հաղթահարել է Վիեննայից Փարիզ հեռավորությունը։ Ամեն օր նա առնվազն 10 ժամ անցկացնում էր ճանապարհին։ Ի՞նչն է անսովոր այստեղ: Փաստն այն է, որ այս ամբողջ հեռավորությունը տղամարդն անցել է ձեռքերի վրա կանգնած:

Թոփ 15 անհավանական մարդիկ, ովքեր հայտնվել են Գինեսի ռեկորդների գրքում՝ շնորհիվ իրենց ստեղծագործության և խիզախության.

Գինեսի ռեկորդների գրքի գլխավոր խմբագիր Քրեյգ Գլենդեյն ասում է, որ հրատարակությունը դեռ ներառում է բոլոր դասական կատեգորիաները, ինչպիսիք են ամենաբարձրահասակ մարդիկ, ամենաարագ մարզիկները, ամենածանր մեքենաները և ամենաբարձր միավորներով տեսախաղերը:
Բայց դրանում առանձնահատուկ տեղ են գրավում մարդկային նվաճումների ավելի տարօրինակ կողմերը։

• Բրիտանացի գյուտարար Ռիչարդ Բրաունինգը ռեակտիվ կոստյումով թռավ Լա Մանշի վրայով՝ զարգացնելով մինչև 136 կմ/ժ արագություն։ Կոստյումը հագեցած է հինգ տուրբիններով։ Նրանց հզորությունը հինգ հազար ձիաուժ է։ Բրաունինգը ցանկանում է ստեղծել նման ռեակտիվ կոստյումների մի ամբողջ շարք։ Պատկերացնում եք Ֆանտաստիկ ապագան ավելի մոտ է, քան մենք կարծում ենք:
• Հնդկաստանից Նիլանշի Պատելը մտել է Գինեսի ռեկորդների գիրք իր աշխարհի ամենաերկար մազերով։ Նրանց երկարությունը 170 սմ էր։ 16-ամյա Պատելը սկսել է մազերը աճեցնել վատ սանրվածքից հետո, այնուհետև չի մտածել, թե դա ուր կարող է տանել։ Այս երկարությամբ մազերը չորացնելու համար երկար ժամանակ է պահանջվում, ուստի աղջիկը մազերը լվանում է շաբաթը մեկ անգամ։ Եվ դրանք սանրելու համար նույնպես պահանջվում է մեկ ժամ:

• Նոր Զելանդիայի բնակիչ Lucky Diamond Rich-ը գրքում նշված է որպես մոլորակի ամենաշատ դաջվածք ունեցող տղամարդը: Lucky-ին դաջվածքների իսկական երկրպագու է: Սա նրա համար արտահայտվելու և սեփական անձի վրա ուշադրություն հրավիրելու միջոց է։ Դաջվածքները Lucky Diamond-ը հավանել է դեռ վաղ պատանեկությունից: Արդյունքում այժմ նրա մարմինը 100%-ով պատված է դաջվածքներով։ Տղամարդը ավելի քան 1000 ժամ է ծախսել իր մարմինը զարդարելու համար։ Բացի դաջվածքից, Լաքին ականջի բլթակները երկարացրել է, իսկ ատամները փոխարինել է արծաթե վինիրներով։ Ընդ որում, ռեկորդակրի մարմնի վրա կան տարբեր պիրսինգներ, որոնք նա արել է իր ողջ կյանքի ընթացքում։
• Գերմանացի Ռոլֆ Բուխհոլցը գրանցվել է Գինեսի ռեկորդների գրքում՝ որպես տղամարդկանց շրջանում աշխարհում ամենաշատ պիրսինգներ կրողը։ Նա կատարել է մարմնի շուրջ 561 մոդիֆիկացիա։ Հետաքրքիր է, որ պիրսինգների մեծ մասը ինտիմ վայրում է: Նրա մարմնի վրա կա ավելի քան 450 մետաղական պիրսինգ։ Բայց սա դեռ ամենը չէ՝ Ռոլֆի ամբողջ մաշկը պատված է դաջվածքներով, աչքի սպիտակությունը սևացրած է, իսկ գլխին եղջյուրների տեսքով ենթամաշկային իմպլանտներ կան։
• ԱՄՆ-ից Ջոել Շտրասերը մորուքի մեջ 3500 ատամի փայտիկ է խրել, ինչի համար ընդգրկվել է ռեկորդների գրքում։ Այն տևել է 3 ժամ 13 րոպե։ Նրանից առաջ նմանատիպ ռեկորդ էր սահմանվել 2014 թվականին, սակայն մորուքի մեջ ընդամենը 3157 ատամի փայտիկ է եղել։

• Ամենամեծ օղակը պտտելու ռեկորդը պատկանում է Լաս Վեգասից Գեթի Կեհայովային։
• Գեթին մեծացել է կրկեսում:
• Սեղանի թենիսի/պինգ-պոնգի ամենամեծ ռակետը՝ 3,53 մ բարձրություն և 2,02 մ լայնություն ունի։ Ռեկորդը պատկանում է Rise Brands-ին, որը համագործակցել է Pins Mechanical Company-ի հետ՝ ստեղծելով սեղանի թենիսի աշխարհի ամենամեծ ռակետը:
• Թմբուկին, մեկ րոպեում, պրոթեզային ձեռքով հարվածներ է հասցրել Ջեյսոն Բարնսը՝ 2400 հարված: Առանց պրոթեզի նույն ռեկորդը պատկանում է Հնդկաստանից եկած թմբկահարին՝ թմբուկի հարվածների առավելագույն քանակը 2109 է:
• Ռոքին, ով խաղում է Fortnite՝ համակարգչային խաղ՝ իր բերանով, ռեկորդներ է սահմանում՝ օգտագործելով բերանի ջոյսթիկ – 509 հաղթանակ: Հաղթանակների մեծ մասին նա հասել է անսովոր բերանի ջոյսթիկի միջոցով: Բանն այն է, որ Ռոքին պարանոցից ներքև կաթվածահար է եղել 2006 թվականից։ Դժբախտ պատահարից մի քանի տարի անց Ռոքին վերագտավ տեսախաղեր խաղալու իր կիրքը, երբ եղբայրը նրան ներկայացրեց բերանով աշխատող ջոյսթիկ, որը կարող էին օգտագործել հաշմանդամություն ունեցող մարդիկ:
• Ամենաարագ կերած մակարոնեղենը` 26,69 վայրկյան: Ռեկորդը պատկանում է Միշել Լեսկոյին և սահմանվել է ԱՄՆ Արիզոնա նահանգի Սքոթսդեյլ քաղաքի Oregano’s Pizza Bistros-ում։ Միշելն իր ռեկորդային փորձը կատարել է ամենամյա Oregano Pizza Bistros բարեգործական միջոցառման շրջանակներում:

• Ամենաբարձր գլխարկը՝ 4,8 մ։ Դա Օդիլոն Օզարեի ստեղծագործությունն է. այն երևում է հարյուրավոր մետրից։ Նրա 4,8 մ բարձրությամբ բաց մոխրագույն գլխարկն այժմ պաշտոնապես ճանաչվել է աշխարհի ամենաբարձր գլխարկը, և դա շատ տպավորիչ է: «Գլխարկները միշտ օգտագործվել են կրողի վեհությունը բարձրացնելու համար: Որքան բարձր է գլխարկը, այնքան մեծ է կրողը: Ո՞վ է ամենամեծ ամերիկացին: Աբրահամ Լինքոլն. Ինչո՞ւ։ Մասամբ նրա գլխարկի պատճառով»,- կիսվել է գյուտարարը։
• Պոգոյի փայտով ամենաբարձր ցատկը՝ 11,15 ֆուտ (3,39 մետր): Այս ռեկորդը սահմանել է ռուս Դմիտրի Արսենիևը Հռոմում La Notte dei Record-ի նկարահանման հրապարակում՝ ցատկելով «մորեխի» վրա մինչև 3,40 մետր բարձրություն և գերազանցելով իր նախորդ ռեկորդը, որը 3,37 մետր էր։
• Տրանսֆորմատորների ամենամեծ հավաքածուն՝ 2111 հատ: Այն հավաքել է Լուիս Ջորջիուն Մեծ Բրիտանիայից՝ սկսած 2011 թվականին՝ իր որդու համար գնելով մի քանի խաղալիք։ Նրա հավաքածուն անշեղորեն աճել է: Երբ նա հասկացավ դրա մասշտաբները, դիմեց Գինեսի ռեկորդների գրքին։

Այս գրքի մասին շատ կարելի է խոսել. գրեթե ամեն օր նոր փորձեր են արվում ռեկորդակիր դառնալու և այնտեղ գրանցվելու համար, բայց ոչ բոլորին է դա հաջողվում. միայն հատուկենտ մարդկանց է դա հաջողվում:

Նյութը պատրաստեց Ժաննա Կոբելյանը