Գիդ-զբոսավարը մասնագետ է, ում աշխատանքը կապված է էքսկուրսիաների ու դրանց ընթացքում հյուրերին քաղաքի կամ երկրի տեսարժան վայրերին ծանոթացնելու հետ։ Գիդը տիրապետում է մշակույթի, պատմության, աշխարհագրության մանրամասներին և այլ հետաքրքիր փաստերի, որոնք վերաբերում են էքսկուրսիայի ուղեգծին։
Զբոսավարերը լինում են մի քանի տիպի՝ թանգարանային, քաղաքային, զբոսաշրջիկների հետ աշխատող և այլն։ Յուրաքանչյուր տիպն ունի իր յուրահատկություններն ու պահանջում է հատուկ գիտելիքներ ու հմտություններ։
Զբոսավարի աշխատանքը պահանջում է հաղորդակցման գերազանց հմտություններ և տարբեր մարդկանց հետ կապ հաստատելու կարողություն։ Գիդը պետք է կարողանա հեշտությամբ և մատչելի, հետաքրքիր և հիշվող տեղեկատվություն ներկայացնել: Բացի այդ, նա պետք է լինի բանիմաց, կարողանա պատասխանել հարցերին և ապահովել խմբի անվտանգությունը շրջագայության ընթացքում։
Զբոսավարներն աշխատում են զբոսաշրջության ոլորտում և կարող են աշխատանքի ընդունվել ինչպես մասնավոր ընկերություններում, այնպես էլ պետական կառույցներում: Սա մասնագիտություն է, որը պահանջում է բարձր պատասխանատվություն և պրոֆեսիոնալիզմ, բացի այդ այն շատ հետաքրքրաշարժ աշխատանք է և թույլ է տալիս ուսումնասիրել աշխարհը և կիսվել գիտելիքներով այլ մարդկանց հետ:
Արվեստաբան-զբոսավար դառնալու համար անհրաժեշտ է ուսանել Գեղարվեստի ակադեմիայի «Արվեստաբանություն» բաժնում։ Այս մասնագիտացումը ձեռք բերելու համար պետք է լավ տիրապետել հայոց լեզու, արվեստի պատմություն, օտար լեզու և հայոց պատմություն առարկաներին։
Ընդունելության քննություններն են՝
- Հայոց լեզու՝ կենտրոնացված քննություն (գրավոր)
- Կերպարվեստի պատմություն և տեսություն (բանավոր)
- Կերպարվեստի պատմություն (գրավոր)
Զբոսավար դառնալու համար անհրաժեշտ է լիցենզիա ունենալ, որը կարելի է ստանալ մասնագիտացված դասընթացների միջոցով, որոնց տևողությունը սովորաբար կազմում է 3-6 ամիս։
Արվեստաբանի աշխատանքի դրական կողմը ստեղծագործական մոտեցումն է, շփումը տարատեսակ մարդկանց, երեխաների հետ։ Վատ կողմը` ցածր աշխատավարձն է։ Զբոսավարի դեպքում բացասականն այն է, որ համարվում է սեզոնային աշխատանք (սովորաբար պահանջարկը 4-5 ամիս է՝ մայիսից֊սեպտեմբեր)։ Դրականը շփումը զբոսաշրջիկների հետ, աշխատավարձը միջինից բարձր է։ Երկու դեպքում էլ շրջապատին այս մասնագիտությունները տալիս են հնարավորություն լինել արվեստին, մշակույթին ավելի մոտ։
Գեղարվեստի ակադեմիայի կայքը՝ safa.am
