Մկանները մարմնին շարժողունակություն ապահովող օրգաններն են: Առանց դրանց մարդը պարզապես ամորֆ զանգված կլիներ, և հենց մկաններն են մեզ հնարավորություն տալիս շարժվել, քայլել, խոսել, շնչել և անել ամեն ինչ աշխարհում։
- Մարդու մարմնում կա մոտ վեց հարյուր հիսուն մկան:
- Բոլոր մկանների գրեթե մեկ քառորդը գտնվում է դեմքի և պարանոցի վրա:
- Մարդու մարմնի ամենաուժեղ մկանները ծնոտի մկաններն են, որոնց սեղմման ուժը կարող է գերազանցել հարյուր կիլոգրամը: Ընդհանուր առմամբ, ամենաուժեղ միայնակ մկանը լեզուն է:
- Մարմնի ամենադիմացկուն մկանը սիրտն է։ Սիրտը բաբախում է մարդու ողջ կյանքի ընթացքում։
- Համաչափ քայլքի ժամանակ մարդն օգտագործում է իր բոլոր մկանների մոտ մեկ քառորդը:
- Մարզվելուց հետո ամենադանդաղը վերականգնվում են ողնաշարի մկանները, իսկ ամենաարագը՝ եռագլուխ մկանները:
- Մարդու օրգանիզմի կողմից ամեն օր օգտագործվող էներգիայի մոտ կեսը ծախսվում է մկանների կծկման վրա։
- Յուրաքանչյուր քայլի ժամանակ մարդը միաժամանակ աշխատացնում է մոտ երկու հարյուր մկան։
- Միջին տարիքի մարդու մարմնի քաշի ավելի քան մեկ երրորդը մկանների զանգվածն է:
- Ընդհանուր մկանային զանգվածի մոտ կեսը ոտքերում է:
- Սիրտը նույնպես շատ ուժեղ մկան է։ Նրա ստեղծած ճնշման շնորհիվ արյունը կարող է բարձրանել տասը մետր։
- Միջին հաշվով, վարժությունից հետո մկանների ամբողջական վերականգնման համար պահանջվում է մոտ երկու օր:
- Մկանների ատրոֆիայի համար ավելի կարճ ժամանակ է պահանջվում, քան վերականգնվելու համար: Այդ իսկ պատճառով, երկար ժամանակ անկշռության մեջ մնալուց հետո, տիեզերագնացներին շատ ժամանակ է պետք նախկին կազմվածքը վերականգնելու համար։
- Ժպտալուց «աշխատում» են տասնյոթ տարբեր մկաններ:
- Որքան շատ է մարդու մկանային զանգվածը, այնքան ավելի շատ կալորիա է անհրաժեշտ նրա մարմնին կենսական ակտիվությունը պահպանելու համար։
